Limon o'ti

Limon o'ti 

Limon o'ti ko'pincha limonli o't yoki limon balzami deb ataladi, tropik va subtropik hududlarda o'sadigan ko'p yillik o'tdir. U o'ziga xos limon hidiga ega bo'lib,  oshpazlik va tibbiyotda ko'p ishlatiladi. Uni qurutilgan, yangi holatida yoki kukun holatida ham ishlatish mumkin. Limon o'tining foydali xususiyatlari va potentsial zararlari haqida ko'proq bilish sizga ancha foydali bo'ladi.  Chunki bu o'simlik O'zbekiston bozorida keng tarqalmagan. U haqida ma'lumotlar sizga Limon o'ti haqida to'liqroq ma'lumotga ega bo'lish imkoniyatini beradi.

Limon o`tining ozuqaviy qiymati va kimyoviy tarkibi 
Jadvalda 100 gramm yeyiladigan qismdagi oziqaviy moddalar (kaloriya, oqsillar, yog'lar, uglevodlar, vitaminlar va minerallar) miqdori ko'rsatilgan.

Kaloriyasi                 99 kkal                6.53 %
Oqsil                         1.8 g                    1.98 %
Yog`                          0.5 g                    0.75 %
Uglevod                   25.3 g                  18.33 %
Ozuqaviy tolalar     0 g                        0 %
Suv                            0 g                       0 %

Makro va mikroelementlar

beta karotin 3 mg
Vitamin B1, tiamin 0,07 mg
Vitamin B2, riboflavin 0,14 mg
Vitamin B5, pantotenik 0,05 mg
Vitamin B6, piridoksin 0,08 mg
Vitamin B9, folatlar 75 mkg
S vitamini, askorbin kislotasi 2,6 mg
PP vitamini, NE 1,1 mg

Kaliy, K 723 mg
Kalsiy, Ca 65 mg
Magniy, Mg 60 mg
Natriy, Na 6 mg
Fosfor, P 101 mg

Temir, Fe 8,17 mg
Marganes, Mn 5,22 mg
Mis, Cu 0,27 mkg
Selen, Se 0,7 mkg
Rux, Zn 2,23 mg
To'yingan yog'li kislotalar 0,12 g

Foydali xususiyatlari

● Limon o'ti antiseptik xususiyatlarga ega bo'lib, teri infeksiyalarini oldini olishda va davolashda yordam berishi mumkin.
● Limon o'ti oshqozonning faoliyatini yaxshilaydi, ovqat hazm qilish jarayonini tezlashtiradi va gazlar bilan bog'liq muammolarni kamaytiradi.
● Limon o'ti aromaterapiyada keng qo'llaniladi. Uning hidi stressni kamaytiradi va ruhiy holatni yaxshilaydi.
●  Ushbu o'simlikning antioksidant xususiyatlari immun tizimini qo'llab-quvvatlashga yordam beradi.
●Limon o'ti yallig'lanishga qarshi ta'siri bilan tanilgan, bu esa artrit va boshqa yallig'lanish kasalliklarida foydali bo'lishi mumkin.
● Tanadagi charchoqni ketkazib, uyquni yaxshilaydi.
● Umumiy metabolizmni yaxshilaydi.
● Bosh og'rig'i va mushaklar og'rig'ini bostiradi.

Limon o'tining zararlari

Limon o'ti homiladorlar, emiziklilar, gipertenziv insonlar va individual allergiya holatlarida zararli hisoblanadi.

Limon o'ti qanday usulda ishlatiladi?

Limon o'ti universal ziravor sifatida ham ishlatiladi. U go'shtdan, baliqdan tayyorlangan ovqatlarga ideal ta'm qo'shadi. Bundan tashqari, albatta undan aromatik choy ham tayyorlanadi.

Limon o'ti ko'plab foydali xususiyatlarga ega bo'lib, u turli xil sog'liq muammolarini hal qilishda yordam berishi mumkin.